Ndzawulo ya Vutshila ni Mfuwo
AKHAYIVHI YA RIXAKA NA NTIRHO WA TIRHEKODI WA AFRIKA-DZONGA
HUVO YA MIMFUNGHO
Byuro ya Mimfungho yi na vutihlamuleri byo tsarisa vuyimeri bya mimfungho yo fana ni mimfungho ya tiko, tibeji ni mimfungho yin?wana yo fana ni mijeko, switempe, timedali na mavito na tiyunifomo ta minhlangano ni mavandla. Mintirho ya Huvo ya mimfungho tanihi laha yi hlamuseriweke ha kona eka Nawu wa Mimfungho, 1962 Nawu wa nomboro ya 18 wa 1962 i ku ?
Amukela no kambela swikombelo swo tsarisa no alela ntsariso kumbe ku suriwa ka ntsariso, mimfungho ya heraldry, mavito, mavito yo hlawuleka kumbe tiyunifomo;
Ku hlayisa rhijisitara na matsalwa lama tsariweke hi ku landzela Nawu;
Ku humesa tisetifikheti ta ntsariso ta vuyimeri bya mimfungho, mavito, mavito yo hlawuleka na tiyunifomo;
Ku nyika switsundzuxo hi laha swi nga kotekaka ha kona hi mayelana ni vuyimeri bya mimfungho, mavito, mavito yo hlawuleka na tiyunifomo no pfuneta hi mavumbele ya vuyimeri bya mimfungho na tiyunifomo;
Ku endla mintirho yin?wana leyi nga laviwaka hi Holobye, Huvo ya Mimfungho kumbe Komiti ya Mimfungho hi ku landza Nawu.
Ehenhla ka mintirho ya ntolovelo ya mimfungho, Huvo hi ku tirhisa Nongonoko wo fikelela vaaki yi na vutihlamuleri byo tivisa Mimfungho ya Rixaka, Ku thya mimfungho ya swiyimelo hi ku tirhisa mavito ya xi Afrika na ku sirheleriwa ka mimfungho ya Rixaka tanihi rifuwo ra vutlhari bya Mfuwo. Ku humelela ka Huvo ya mimfungho ku le rivaleni hi ku hluvukisiwa no nyikiwa ka mimfungho ya Rixaka yintshwa; Mujeko wa Rixaka wuntshwa, Mimfungho ya Rixaka ni Risimu ra Rixaka leri hlanganisiweke.
KU KUMEKA NO TIRHISIWA
Xikongomelo xo hlayisa akhayivhi i ku tiyisisa ku kumeka ka tirhekhodi leti nga ni malembe ya le henhla ka makumembirhi eka vaaki. Akhayivhi ya Rixaka ni Ntirho wa Tirhekhodi swi tirhela vaaki ku sukela Musumbhunuku ku fikela Ravuntlhanu ku sukela hi 8:00 ? 16:00, ni le ka Muqivela wa vunharhu wun?wana ni wun?wana en?hwetini ku sukela 09:00 ? 13:00.
Vuxokoxoko byo tihlanganisa
Loko u ri na swivutiso swin?wana u komberiwa ku tihlanganisa na Akhayivhi ya Rixaka eka:
Riq: 27 12 323 5300
Fekisi: 27 12 323 5287
MATIMU
Akhayivhi ya Rixaka ya Afrika-Dzonga yi tumbuluxiwile hi ku tivisiwa ka Nawu wa Akhayivhi ya Rixaka ya Afrika-Dzonga (Nawu wa nomboro ya 43 wa 1996) tanihi laha wu hundzuluxiweke ha kona. Nawu lowu wu hundzuluxile Khale ka Ntirho wa Akhayivhi ya Mfumo ku va Akhayivhi ya Rixaka leyi xikongomelo xa yona; mintirho na xivumbeko swi kombisaka khale ka xiyimo xa xihlawuhlawu xa tipolotiki.
MINTIRHO YA AKHAYIVHI YA RIXAKA
Akhayivhi ya Rixaka yi na vutihlamuleri byo amukela, byo hlayisa no tlakusa ku tirhisiwa ka tirhekhodi ta mfumo ni leti nga riki ta mfumo hi ndlela ya kahle; ku hlayisiwa ka endlelo ra mahungu ya akhayivhi laya fambelanaka na rixaka; ku veka mimpimo yo seketela mintirho ya tiakhayivhi ta swifundzankulu. Akhayivhi yi vumba xiphemu xa nkoka xa ndzhaka ya rixaka na swona i ndlela yo antswisa vutitivisi bya rixaka, ku aka rixaka no nyika matimba.
Akhayivhi nakambe i ndlela ya nkoka leyi mimfumo yi nga tihlamulelaka hi yona eka vaaki. Hi ku tirhisa ku fikeleleka ka kahle ka akhayivhi eka vaaki, migingiriko ya mfumo yi va erivaleni. Hi ndlela yo fana, akhayivhi yi na vumbhoni bya matsalwa lebyi nga erivaleni lebyi faneleke ku sirhelela vaaka-tiko ni mintlawa. Xiphemu xa nkoka xa Akhayivhi ya Rixaka a xi kombisi mintokoto ya vanhu vo tala va Afrika-Dzonga. (xik. vanhu va Afrika-Dzonga lava a va siyiwe ehandle hi xihlawuhlawu, vavasati, sw. n. sw.). Akhayivhi ya Rixaka yi le ku endleni ka minongonoko yo hlaya ya matimu ya nomo ku tsala no hlayisa mintokoto ya vanhu-ntsena no nghenelela eka endlelo ro vumba miehleketo ya vaaki vo hambana va Afrika-Dzonga.
Akhayivhi ya Rixaka ya Tifilimi, Vhidiyo na Mpfumawulo (NFVSA) i hofisi ntsongo ya vulawuri ya Akhayivhi ya Rixaka. Ntirho wa NFVSA i ku hlengeleta, ku hlayisa no tlakusa minchumu leyi twiwaka no voniwa (audio visual) leyi endliwaka no vulavula hi Afrika-Dzonga. Nawu wa Vuhlayiselo bya Matsalwa (Nawu wa nomboro ya 54 wa 1997) wu kombisa NFVSA tanihi ndhawu ya vuhlayiselo bya minchumu leyi twiwaka no voniwa leyi endliweke eAfrika-Dzonga.
Akhayivhi ya Rixaka yi hlayisa rhijisitara ra rixaka ra tirhekhodi leti nga riki ta mfumo leti nga ni nkoka wo hlayisiwa. Ku engetela eka leswi yi tlakusa ntirhisano ni vukondleteri exikarhi ka mavandla lama endlaka ntirho wo hlengeleta no hlayisa tirhekhodi leti nga riki ta ximfumo.
Hi ku tirhisa nongonoko wo fikelela Vaaki, Akhayivhi ya Rixaka yi na xikongomelo xo fikelela swirho swa vaaki leswi nga tiveki nchumu hi vukona kumbe mintirho ya akhayivhi. Xikongomelo xa nongonoko lowu i ku tlakusa ku tirhisiwa ka akhayivhi ?hi ku yi tivisa eka vanhu? hi ku endzela minhlangano ya dyondzo ni vaaki eAfrika-Dzonga na hi ku endzela mavandla ya dyondzo ni vaaki eAfrika-Dzonga na hi ku tirhisa minkombiso, masiku yo endzela akhayivhi open days ni ku endliwa ka kahle ka ntirho.
Akhayivhi ya Rixaka yi tumbuluxa no hlayisa endlelo ra kahle ra mahungu (meta-information) leri nga ta tlakusa ku fikeleleka ka mahungu ku eneta swilaveko swo hambana swa mahungu ku seketela ku hluvukisiwa ka vaaki hinkwavo.
Endlelo ra rixaka ra mahungu (meta-information) eAfrika-Dzonga ri vumbiwa hi tinxaka to hambana ta tilayiburari ni minhlangano yin?wana ya mahungu. Akhayivhi ya Rixaka nakambe yi langutane na Huvo ya Rixaka ya Layiburari na Mintirho ya Mahungu (NCLIS), Layiburari ya Rixaka ya Afrika-Dzonga (NLSA), Layiburari ya Mabofu ya Afrika-Dzonga (BLINDLIB), tilayiburari leti tirhaka tanihi tindhawu ta vuhlayiselo bya matsalwa, na Nhlangano wa Vatirhi wa Mabofu wa Afrika-Dzonga (SABWO). Ndhawu ya Tibuku i yuniti yo hlawuleka leyi kumekaka eka NLSA leyi tlakusaka ntolovelo wo tsala no hlaya
Milawu leyi lawulaka mintirho leyi ya Akhayivhi ya Rixaka i Nawu wa Huvo ya Layiburari ni Mintirho ya Mahungu, 2001; na Nawu wa Layiburari ya Rixaka ya Afrika-Dzonga, 1998; Nawu wa Layiburari ya Mabofu ya Afrika-Dzonga, 1998; na Nawu wa Vuhlayiselo bya Matsalwa, 1997.
Nawu wa Vuhlayiselo bya Matsalwa wu tiyisisa leswaku, khopi yin?we ya tsalwa rin?wana ni rin?wana leri hangalasiweke eAfrika-Dzonga yi rhumeriwa handle ka hakelo eka vuhlayiselo bya matsalwa etikweni hinkwaro. Hi ku tirhisa Nawu lowu, ndzhaka ya matsalwa ya Afrika-Dzonga ya hlayisiwa no endla leswaku yi kumeka eka vaaki.
